ភ្នំពេញ÷ នៅវេលាម៉ោងប្រមាណជា០៨:៣០នាទីព្រឹកថ្ងៃពុធ ៣កេីត ខែកត្តិក ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០២ ខែវិចិ្ឆកា ឆ្នាំ២០២២ មានករណីអគ្គិភ័យឆាបឆេះហាងកែសម្ជស្ស សាឡន និងខូស្មិកទិកមួយកន្លែង នៅចំណុចផ្ទះលេខ១១៧ ភូមិតាង៉ូវ សង្កាត់និរោធ ខណ្ឌច្បារអំពៅ រាជធានីភ្នំពេញ បណ្តាលអោយរងការខូចខាតសម្ភារ:ក្នុងហាងអស់ជាច្រើន ។
ប្រភពពីកន្លែងកើតហេតុ បានអោយដឹងថា ដើមហេតុដែលបណ្តាលអោយមានអគ្គិភ័យឆាបឆេះនេះ គឺបណ្តាលមកពីការ បញ្ចូលកង់អាគុយ ផ្ទុះលេីអាកុលបង្ករជាអគ្គិភ័យ ហើយធ្វើឲ្យខូចខាតឆេះសម្ភារៈកែសម្ផស្សក្នុងបន្ទប់ ទំហំ ៤ម៉ែត្រ x ១៤ម៉ែត្រ អស់មួយចំនួនធំ នឹងពុំបណ្តាលឲ្យឆាបឆេះរាលដាលដល់អ្នកក្បែរខាងឡេីយ។
ក្រោយពីទទួលបានសេក្តីរាយការណ៍ពីប្រជាពលរដ្ឋ ក៏ដូចជាសមត្ថកិច្ចមូលដ្ឋាន កំលាំងអន្តរាគមន៍បង្ការ ពន្លត់អគ្គិភ័យបានចេញជួយពន្លត់ភ្លាមៗ និងបានបាញ់ទឹកពន្លត់បានទាំងស្រុង នៅវេលាម៉ោង ៩និង០០នាទីព្រឹក នាថ្ងៃខែឆ្នាំដដែល ដោយបានប្រើប្រាស់រថយន្តការិយាល័យអគ្គិភ័យ រាជធានីភ្នំពេញ ចំនួន ០២គ្រឿង ប្រេីប្រាស់ទឹកអស់ ០១ឡាន ស្មើរនឹង ០៤ម៉ែត្រគូប, រថយន្តជំនួយមកពីរថយន្តសាលាខណ្ឌ ចំនួន ០១គ្រឿង ពុំបានប្រើប្រាស់ទឹក
និងរថយន្តរបស់បុរី ប៉េង ហួត បឹងស្នោ ចំនួន ០២គ្រឿង ប្រេីប្រាស់ទឹកអស់ ០១ឡាន ស្មេីរនឹង ១០ម៉ែត្រគូប នេះបើយោងតាមការបញ្ជាក់របស់មន្ត្រីការិយាល័យបង្ការពន្លត់ និងសង្គ្រោះ នៃស្នងការនគរបាលរាជធានីភ្នំពេញ ។
